Til að skoða alla gerða samninga við Akureyrarbæ smellið hér

Sinfóníuhljómsveit Norðurlands fær rekstrarframlag frá Akureyrarbæ og ríkinu samkvæmt sérstökum samningi þessara aðila. Hefur rekstrarframlag hljómsveitarinnar aukist úr 4 milljónum í 27,5 milljónir króna frá árinu 1993 til ársloka 2009.

Samningur undirritaður í september 1993:
Ríkissjóður greiði árlega kr. 2.000.000- tvær milljónir – og Akureyrarbær jafnháa upphæð til reksturs hljómsveitarinnar á tímabilinu 1. janúar 1994 til 31. desember 1995

Samningur undirritaður 1996:
Akureyrarbær greiðir til hljómsveitarinnar kr. 4.500.000 - fjórar og hálfa milljón - árið 1996 og kr. 5.000.000 - fimm milljónir - hvert ár árin 1997 - 1999.

Samningur undirritaður 2000:
Akureyrarbær greiðir 7.000.000 kr. til reksturs Sinfóníuhljómsveitar Norðurlands á árinu 2000 og 10.000.000 kr. á árinu 2001 og 18.000.000 kr. á árinu 2002.

Samningur undirritaður í september 2004:
Akureyrarbær leggur til starfseminnar eftirfarandi fjárhæðir á samningstímanum: kr. 19.000 þús. árið 2004, kr. 22.000 þús.- árið 2005 og kr. 24.000 þús.- árið 2006

Samningur undirritaður í mars 2007:
Akureyrarbær leggur til starfseminnar eftirfarandi fjárhæðir á samningstímanum: kr. 26.500 þús. árið 2007, kr. 27.500 þús.- árið 2008 og kr. 28.500 þús.- árið 2009.

Þessir samningar hafa að mestu leyti gengið eftir. Árið 2003 var hljómsveitin samningslaus en fékk greiðslu frá Akureyrarbæ skv. samningi fyrra árs. Árið 2009 urðu þær breytingar á samningnum að hækkun á framlögum voru teknar út og sama greiðsla var árin 2008 og 2009. Var þessi breyting á samningnum gerð í samræmi við annan niðurskurð hjá Akureyrarbæ í ljósi ástandsins í þjóðfélaginu.